شغر: خميس الصالحي
يا طير ياللي بالتغاريد غنيت
حيرتني يا طير واشغلت بالي
ذكرتني بالخل كل ما تناسيت
وخليتني ساهر اجاسي الليالي
أول أنا وياه جيران بالبيت
دايم اشوفه بلا عنا واتصالي
يا طير نبشت الجروح وتماديت
يا كيف هل بنسى محبٍ وغالي
ذكره فبالي كل مارحت أو جيت
زين المعاني يا هلي ما صفالي
روح وخلا عيشتي في تشتيت
روح وخلاني وحيدٍ لحالي
واصبحت أنا لاني بحي ولا ميت
من بعد فرقاهم دموعي تسالي
يا طير بلغهم سلامي اذا مشيت
عسى يذكروني ولو بالدعاء لي
