شعر : محمد بن خميس الصنيدعي أبو مدرك
خاب ظني فيك يادعج العياني
والدموع ذروف من عيني هميله
خنت عهد الود مابك أي أمانِ
بعت قلبي برخص ودراهم قليله
كنت أنت فعرش قلبي لك مكاني
ومنزلك من الروح أنا عزمت أشيله
لاتحاول ترتجي فات الأواني
مايلين القلب لو جيته بحيله
مات حبك وانطوت ذيك الأماني
وانتهت قصة خليل ويا خليله
والجروح الداميه وسط المحاني
لي تزيد أوجاع قلبي كل ليله
كنت احسبك عزوتي طول الزمانِ
والخيانه منك احسب مستحيله
لك فقلبي يالغلا قدرٍ وشانِ
وكنت مفتاح القلب وانته دليله
غرني ودك سرق قلبي وعماني
ماتشوف العين من سبك عطيله
كأس حبك علقم المر وسقاني
ما يشافي جروح قلبي لي غليله
والختم صلوا عدد برق اليماني
لي يلوح من السحب سكاب سيله
