شـعـر: مـحـمــد خـلـيفة الـهـنـداسـي ود القصاد
خــلاص أعـلـنها صـراحـه فـي كـل حـي
مــا عــاد لــه فـي وسـط قـلبي مـساحة
يـــا نـاكـر الـمـعروف ايــش عــاد تـبـغي
قــلـبـي مـــن الـهـجـران زادت جــراحـه
أنــــا جـعـلـتـه شــــي وهـــوه ولا شـــي
خـــــلاص مــلـيـتـه أقــــول الــصـراحـة
والــــدرب الــلــي جــــاي مـنـهـا تـــودي
بــاسـيـر عــــن دنــيـاه أطــلـب الــراحـة
مــا اريــد أعـشـق حــد مـثـله وأنـا حـي
وحـبـه فــي قـلـبي تــم بـيـدي مـسـاحة
يــوم كـنـت اقـنـص لــي مـيـدان أرمــي
وحــالـي مـــدى يـتـواصـفونه وســاحـه
والحين صار الوضع على عكس ما ابغي
بـــتــرك مـيـاديـنـه وأطــلــب ســمـاحـه
أول إذا اشــتـقـنـا لــهــم لــيــل نــســري
ويـصبح عـلينا الـصبح وحن في مراحه
نــطــيّـب الــخــاطـر ولا حـــــد يــــدري
والله يـــعــلــم بــالــقــلـب وارتــيــاحــه
و الـخـاتـمه بـكـتـب رسـائـل لـكـل حــي
لا تــعـشـق الــخـائـن وخـــذ بـالـنـصاحه
