شعر : ناصر العلوي بو عواد
ترف الصبا وعود الخصر عايابي
وامسيت اخايل عينه الكحلية
لحظة عيونه ورمشه الجذابي
لاهي من الدنيا نعم حورية
ناظرتها وحرف الشعر غنابي
مطلع غرامي بالمساء عصرية
كنها قصيدة مسطرة بكتابي
واسلوبها حضري وهي بدوية
تشبه شمال عمان عالي هضابي
ولون الرمال المكتسي ببدية
قابلتها ونوخت معها ركابي
وحييتها بابياتي الشعرية
قالت هلا بالشعر لي حيابي
يا من حروفه دومها اسطورية
يا شوق قلبي فاتحلك بابي
لو تطلبين الروح لك مهدية
قبلك كواني الهم راسي شابي
واليوم بوجودك سنيني حية
يالملهمة يا من خذيتي اعجابي
ولجلك كتبت الشيلة الوردية
