شعر:
عبدالله الحرابي
نام بسلام
موتك ملا القلوب حزن وتعابير
مامت تبقى لك مواقف عظيمة
ودامك سكنت فقلوبنا حب(ن) كبير
تبقى لنا درويش حياة ونديمه
بس الزمان وهذي أمر المقادير
والموت ع الإنسان صارت لزيمه
تبكيك يادرويش عيون الغنادير
وتبكي البدايه من فراقك سقيمة
وتبكيك كم قلوب٠٠ إلها معاذير
وتون صارت في فراقك حطيمة
ويبكيك يادرويش حتى لك الطير
وكل الخلايق ٠٠يوم موتك أليمة
ماتنتسي ف قلوبنا ياراعي الخير
ي اللي ف جلساتك حفاوة وغنيمة
تفرق بطيب القلب٠٠ مامثلهم غير
وكفك مزون الخير ٠٠ تمطر بغيمة
لك في قلوب الناس حب(ن) وتقدير
اتميزت درويش .. بنفس(ن) كريمة
ماشفت كيف الناس ف خلفك تسير
في قلوبهم يشهد ألك زود قيمة
نام بسلام وتجزى احسانك ابخير
في جنة الله تكون روحك مقيمة
ياعل قبرك روضة السعد وينير
رحماك ربي في ذنوبك رحيمه
اتقطعت ذيك الدروب المشاوير
ولمة أهل٠٠٠ لي كانت المستديمة
وحضنك يفوح الحب أطياب لعبير
من بعدك .. فقدنا الذكريات القديمة
