شعر: محـمــد الصـالـحـي الـحـديدي
يــا مـنية الـروح وأغـلى مـن تـمنيته
يـا نـور عـيني ويـا شـمسي ويا ظلي
حـبك بوسط الحشى بالصدر حطيته
شيدت لك قصر في قلبي لك امطلي
وقـتٍ مـضى ويـاك في القلب خفيته
أيـامـنـا الـلـي بـهـا الـخـفاق مـتـسلي
طـيـفك إذا مــرّ فــي بـالـي تـرجـيته
يـبقى فـي بـالي دهـر لـو كان متعلي
أنـت الـغلا اللي بوسط القلب سميته
سـيد الـغواني وتـاج الـراس يـا خلي
رمـشـك سـهـامٍ رمـى قـلبي وشـليته
والـليل مـن شـعرك الضافي إذا طلي
حـبـك بـقـلبي عــن الـعـذال ضـمـيته
انـته مـن الـروح يـا مـسكي ويـا فلّي
عـطرك بـصدري بـريح الـورد شـميته
يـشفي جـروحٍ بـبعدك مـا تـبي تـولي
لـو تطلب العمر لك في الكف حطيته
فدوة لعينك وذهب الكون لك مطلي
اسـمك بـوسط القصايد دوم خطيته
أنــت الـقصيد وأنـت الـحب يـا كـلي
