شعر: عـبـدالله بن سـيـف بن سعـيد الشبيبي
تـجرفني الـذكرى على سالف أزمان
وألـمـلـم افــكـاري بــذكـرى جـمـيلة
وأتـيه واذكـر وقـت فـيه الوفا كان
يـامـا أخـذنـا مــن عـطـاه وحـصيله
وقـتـ(ن) يـعلم نـاقص الـعلم والـشان
عـلـى مـجـالسة الـرجـال الـجـليلة
ومن صحبت الخيرين خذنا بلطنان
ونـبـعد مـخـاوات الـرجـال الـرذيـلة
ولي يحمل الطيب مايكون خسران
يـبـقا مـابـين الـنـاس خـبره يـشيله
ولـــي يـصـاحـب له قـلـيـلين لــذهـان
لـــي مـالـهـم غـيـر الـعـلوم الـقـليلة
مـاتـنحسب كـنـها عـلـومه ولا كــان
ولا لــه ذكــر بـيـن الـرجـال الـنفيلة
وهــذا زمــان الـخـير وافـر وكـثران
والـحـمـد لــلـه مـاشـكـينا عـضـيـلة
فـيه الـنعم مـن خـالق الـكون تزدان
والـناس تـجني مـن نـعايم حـصيله
غــيـر الـوفـا قـلـت عـلـومه ولابــان
وسـار الـطمع يـكسب عـقول(ن) ثقيلة
يـاخذ عـلى هـذا عـلى غـير عـرفان
وهــذا أخــذ مــن لا يـخصه بـحيله
يــارب تـرشـدنا عـلى درب لـحسان
وتـجعل لـنا فـي كـل خطوة وسيله
