سـواد الـلـيـل

مــحــمــد الــصـالـحـي الــحــديـدي

يـا سـواد الـلـيـل يـريـحني ظـلامـك
أسـهـرك واحـسـب نـجـومك لـلـفجر
كــــل مـــن مـــر يـسـئـلني عــلامـك
أنــتـه ســاهـر تـنـتـظر ضـــو الـقـمر
​ضـاعت الأحـلام فـي زحـمة ملامك
وانـبـري حـالـي وذقــت مــرّ الـصـبر
عشت أنا المظلوم واقف في مقامك
أرتـجـي عـطـفك وعـقـلي فـي سـعر
​يـا حبيب الروح خفف من خصامك
لـيـش تـتـرك خـافـقي وسـط الـجمر
كــم عـطـيت وكــم تـولعت بـهيامك
لــيـن صــار الـقـلب مـكـسور الـجـبر
​أنــشـد الأيـــام عــن عـالـي مـقـامك
وانــشـد الـنـسمات عــن ذاك الـعـطر
لــو يـمـر طـيفك ويـسبقني سـلامك
يــنـبـت الــوجــدان ألــــوان الــزهـر
​لـيـت تــدري كــم ذبـحني انـعدامك
والــجــروح بـداخـلـي تــنـزف نــهـر
ارحـم الـلي عاش في رجوى كلامك
لا تـخـلـيـنـي عــلــى جــمــر الــقـهـر
​انـتـهى صـبـري وعـاقـبني صـيـامك
عــن وصــالٍ كــان يـسـوى لـي عـمر
​يــا عـذابـي لـيـت يـشفيني غـرامك
أو يــبـل الــريـق مـــن نـبـعك قـطـر
ذاك حــظـي والـقـدر وقــع سـهـامك
فــي صـمـيم الـقـلب مـا فـاد الـحذر