شعر:
جاسم الركاض أبو خالد
اشرقي يا شمس فجري وأشرقي بدنيا السعاده
ما مضى من عمري يكفي عتمه والليل حالك
السهر حارب عيوني ٠٠٠ والجفن مالذ برقاده
وإنت عني صرت مبعد حلم باقي لي خيالك
على رصيف الحزن واقف هذا حظي والنكاده
أدري فيها حظوظي محال تلفيني بوصالك
عاكستني من يوم صغري عمري بأول مهاده
التعاسه لازمتني أنا أعشقك وأعشق خبالك
خافقي بطعنات ينزف، حل في قلبي الإباده
وكم عيوني الدمع تذرف ترثي ذكرى ما مضى لك
الحنين يأخذني بدربك شوق فيني وبزياده
عاشقك منهد حيله ليت تسأل إيش جرالك
وخلني أسولف لك عن أحزاني وعن قلبك وعناده
خلني أفضفض لك عذابي دام وجهته سؤالك
خلني أقول وأحكي ٠٠ وإنت إسمع في ركاده
خلني أشرح تفاصيل هجرك قول إيش اللي طرالك
وليش هدمت أحلام حبنا بعد أدمان وعباده
موحشه أيامي بدونك ، عتمه والليل حالك
