شعر: عبــدالله النــاعبي
ما درت الحـب له سمـت وجـلال
من عشق مثلي ترى شرحه يطول
الهــوى إحساس ما فيـه إبتـذال
يهـز عرش القلب لو يلقـى قبول
في حلاها حب وإحساس وجمال
ينتعش بــه قلب آيــل للذبـــول
ومن نظرها يبـرق السحـر الحلال
يسـرق الأرواح يسلـب هالعقــول
كلمــا نــادت وقالــت لـي تعــال
أسبـق الخطـوه وأحضنهـا وأقـول
العشـق إحســاس يابنـت الحـلال
لا تخلـي البعـد يمنــع هالوصـول
حبــك بقلبي أبــد مـالـــه مثــال
وكــل شـئ آخــر أوهــام ويــزول
لك بقلبـي حـب قد فـاق الخيــال
والمشـاعـر دافقــه كنهــا سيــول
