شعر: محـمـد الصـالحـي الـحـديدي
يـا سـاكنٍ وسط الحشا والتواهيم
قـلبي مـن الأشـواق فـاقد صميمه
أرسـم خيالك في سواد المجاهيم
وأتـوه فـي صـمت الليالي العتيمه
حـبـك سـقاني مـن هـواه الـتعاليم
لـين الـغلا أصـبح لـروحي قـسيمه
يـا ريـم يـا غـض الصبا والتراسيم
وصـفـك صـعيب ولا لـقينا نـديمه
عـيـنك بـهـا سـحـر يـهـد الـمـعاليم
تـطرح شـجاع الـقوم وأكبر زعيمه
والـخـد نـور شـع وسـط الـغياهيم
مـثل القمر لا جلى الظلمة الظليمه
يـا غـايتي يـا مـطمعي والمراسيم
وصـلك غـناة والـصد مـنك جريمه
أهـيـم فــي بـحـرك بـلـيا تـقـاسيم
موج الغرام اجتاح نفسي الحليمه
لــو قـلـت أحـبـك قـلتها بـالترانيم
نـبرة وفـا فـي وسـط قلبي مقيمه
ما طعت في حبك جميع التواهيم
لــو عـذربوا دربـي دروبـك سـليمه
أسـهر مـع طـيفك وأعـد النجاهيم
والـحال مـن بـعدك عليلة وسقيمه
تــرفـق بــحـالٍ مـــا تـهـنا بـتـنعيم
غـيرك حـرام وحبي لغيرك جريمه
لـك في صميم القلب كل التعظيم
عــــرش تـربـعـته بـــروحٍ كـريـمـه
هـذا غرامي صغت له كل التقاديم
والـعـمر مــن دونـك حـياة عـديمه
