شعر: محمد خلـيفة الـهنداسي -،ود القصاد
كنت احسب إنه حلي في ديرتي وحشه
لا غبت عن شوفة أصحابي وخلاني
أثره طلعت غيبتي عندهم ولا طشه
لا شوق لا ود لا مرسال يلفاني
شبهت عمري بطيرٍ طاار من عشه
ما له صديقٍ سأل عنه ولا عاني
صاحب ظننته وفي وهو للقلب بشه
أثره صديق الوقت في يوم يلقاني
ياكم لقينا قلوبٍ تبكي من قشه
لا غبت عنها تحاتي دوم وتعاني
ياصاحب الطيب طيبك على القلب رشه
وطيب قلوب العذارى طول لزمانِ
ياريح خلي مسك محفظ في غرشه
عطرٍ معتق بعد ما شمه انسانِ
جودي عليي بنفحه منك أو رشه
يطيب كوني وانسى كل ما عاني
واطلب من الله عظيم الشان في عرشه
ياواحدٍ خالق الإنسان والجانِ
إنك تعين الصحاب لي قلوبهم هشه
والوقت قاسي وياكم ناسٍ اتعاني
