شعر: عـــامـــر أحــمــد
يا عين يكفينا سهر لا آخر الليل
طال الامل والقلب قد زاد صبره
زاد الالم و الاه فيني مواويل
و الحزن خيم في فؤادي لفتره
امسح على دمعة همومي بمنديل
عسى وعلَّا تنجلي اليوم بكره
غاب الفرح وِسْتغصل الحزن تغصيل
والسعد فينا اليوم قد جف نهره
رتبت قافي في دجى ظلمة الليل
عن النصيب الشين ذي طال دهره
على محطات الفرج زاد تذليل
قلبي الذي في داخله ألف جمره
ما فادني دكتور ولا الطب البديل
ولا لقينا من يداوي لكسره
نفسيتي تحتاج شاهي مع الهيل
وخلي لوحدي بس حتى لمره
واسترجع الماضي إعاده وتأهيل
و أعيش باقي العمر حامل لسره
جور الزمن والوقت ماله تفاصيل
في الحزن كم انسان قد ضاع عمره
كافي حزن والله ضاقت علي حيل
واعز واغلا شخص طول بِـ هجره
وقل في هذا الزمان الرجاجيل
و اصبح المقدام عايش بحسره
عَزي لمن مثلي حياته غرابيل
عَزي لمن عايش حياته بِفطره
ما نظم الهاجس للجراح تقليل
ما نظمه من اجل كسبه لشُهره
