شعر: جــمـيـل راشـــد الـهـنـداسي
ودعـتـكـم والـقـلب ضـمـيان
وده بـضـمـك أدعـــج الـعـين
لــكــن حــظـي دوم عــثـران
مـالـي نـصـيب بـلـفة الـزيـن
قلبـي يصيـح شوقٍ وحرمان
مـتى الـفرح يـنشاف ويـبين
عـلـمّت نـفـسي دوم كـتـمان
لـيـن الـوقت يـكون ويـحين
والـيوم حـان الـوقت يافلان
أقــول مــا ضـمـيتك سـنـين
حـبـك بـقـلبي عـادلـه أزمـان
مـاحد يحيده غير شخصين
قـلـبي وأنــا يــا ريـم غـزلان
مـتـفرد (ن) بـيـن الـملاييين
صـرت الـفرح لـلروح عـنوان
تسكن وسط هالقلب والعين
سـويتلك فـي الـقلب تيجان
تـحكمني دون حـجة وتـبين
لانــي أهـاذي ولانـي حـلمان
شــيءٍ بـقلبي وقـلته ألـحين
