شعر: فاطمة بنت راشد الهنداسية
يوم جيت أنا صوب الغليل
رديت فكري والسنين
أتذكرت ذيك الخيم
يوم ع البحر مشيدين
سبحان ربي لي خلق
سبحان رب العالمين
وجبلت أنا صوب النخل
وازاد شوقي والحنين
وأتذكرت كل الأهل
تحت الظليل متجمعين
حد يخرف م الرطب
وحد يلقط باليمين
ويوم سرت صوب الشجر
موز وهمبا وياسمين
الله على ذاك الزمن
زمان عصر الطيبين
يالموت ما منك مفر
تقدير رب العالمين
يالله عساها قبورهم
روضة وفيها منعمين
والبساهم من سندس
وحرير ملبوس(ن)ثمين
وكتبت على نفسي عهد
ما أنساك يا أمي يا لين
يتوسده جسمي القبر
يالله عسى متجاورين
وأبني عسى روحك هناك
بجوار رب العالمين
وأنتي يا أم عبدالحميد
معهم بعد متنعمين
يالله عساكم ف قصر
من قصور رب العالمين
ياأخواني أنتم عزوتي
تبقون ع طول السنين
