شعر: مصبح السيابي
ماعوض الإنسان إن راح انسان
بصماتها الناس ماهي اتشابه
من بصمة الإنسان ف الناس إحسان
واعيبها البصمه إذا الفعل عابه
وبعض البشر إن راح ما صار نقصان
وبعض البشر إن راح بتروح لابه
بين المدح والذم معروف شتان
وحاشا سماء الكون تشبه ترابه
أما المطر ابن السحب وابن الأمزان
ونوع المطر مانفس نوع السحابه
وبعض الشجر مافاد لو وسط بستان
وبعض الشجر لو مات عطرك خشابه
علم ن يجيب المنفعه جاب نيشان
علم ن بلا نيشان اترك كتابه
علم الفوارق جاب لناس تبيان
عله بيكشف عن وجوه الغرابه
