" لو تدري الناس "
شعر : راشد الكعبي
لو تدري الناس ما تخفي حبايبها
ما كان عاشق يبيح بمقصد حروفه
ياكم ألمح عن أبياتي و سبايبها
تقرا و أحس إنها بالشعر مشغوفة
مملوحة الزين تغريني هدايبها
نفسي على شوفها بالحيل ملهوفة
ما بينت لي و ذي أكبر مصايبها
لا بالجواب الصريح و لا بعد شوفه
بعض العلاقات تتجلى طلايبها
بين المحبين معروفة ومكشوفة
وبعض العلاقات تتغلى سحايبها
لو دن رعادها بالمحل محفوفة
تتعب صغير العمر من قبل شايبها
ضيقاتها ع الخفوق تييك مرضوفة
هذا أنا تهت في جملة ركايبها
تهتم توفة وتتجاهل معي توفة
