شعر: محمد خلـيفة الـهنداسي -،ود القصاد
واشـيـب راســي مـن جـفاكم
بـتـسـافروا عــنـي إلــى ويــن
شــلـيـتـوا فـــــوادي مــعـاكـم
والـقـلب مــن هـجـرنكم هـين
ويـــش الـــذي كـــدر سـمـاكم
وطــول هـجـركم عـننا سـنين
مــــن مـــدة اتــحـرى لـقـاكـم
فـي الـبعد ويش انتوا مسوين
مـاشـي حـلـي خـاطـر مـعاكم
رحـتـوا ومــا حـلـكم عـناوين
ايـش لـي حـصل مني وجاكم
عــنـي وصـدقـتوا الـمـواشين
وانـــا الـــذي اطـلـب رضـاكـم
عـسى الـقلوب الـقاسيه تلين
وأصـبح وامـسي فـي جداكم
ونــعــود مــثـل أول مـحـبـين
بــس مـن هـجر ربـي يـهداكم
حــنـوا عــلـى قـلـبي مـسـيكين
ضــامـي ويــورد مــن فـلاكـم
والأرض بــاتـنـبـت ريــاحـيـن
يــتــزيـن ويـــحــلا مــسـاكـم
ويـسـعد مـسـاء كـل الـمحبين
وفـي الـخود ما يوجد شراكم
أنـتوا مـلكتوا الـحسن والـزين
واطــلـب مـــن الله يـحـمـاكم
عن كل حاسد وصاحب العين
مــن سـنـين قـلبي مـا نـساكم
وكـثر الـبكي أثّـر عـلى الـعين
وتـــم الـحـكـي قـلـبي يـبـاكم
وتــذكـروا مـــن كـــان نـاسـين
واشـيـب راســي مـن جـفاكم
إذا فـي الـهجر قدكم مطولين
