شعر:
يحيى بن راشد العلوي
يالخوي بوصيك وابشفّي نصيح
الشرع والدين آمر بالنصاح
اطلب الرحمن في الوقت الشحيح
باليقين وبالرجا تنال الفلاح
ولي فعلت الخير لا ترجى المديح
من جزا الرحمن يكفيك الرباح
والدينك بس لهم اخضع وطيح
والرضى مطلوب منّهم والسماح
واحمد الرحمن ميهود وصحيح
والصبر في الضيق بأمر الله يزاح
ولاتلوم النفس وعالماضي تصيح
الملامه ماترجع ماضي راح
ولاتحاتي بالتشائم عن تطيح
التفائل دائماً فيه النجاح
والرزانه صاحبي الوضع الصحيح
ف مجلس العربان لا تكثر مزاح
ف جلسة النمّام سدْك لا تبيح
ولا تجادل شخص هرجه كالنباح
وباب منّه يجيك عاصوفٍ وريح
سدّه مابتجيك اضرار الرياح
وحط راسك جانب الوضع المريح
بالهناء بتحس حالك وارتياح
ولا يلوف الرزق نايم مستريح
لي يريد الرزق يسعى بالكفاح
