يـا ثليــــــل العيــــــن والفــــــلي
ياحســـين الصــوت والصــــوره
من هـــواكم صــــرت معتــــــلي
والهـــــوى بـــــي لاعبـــن دوره
أنــت روحــــي يالغــــلا وكــــــلي
أنت فــــرح القلــــــب وســــروره
حبكــــم في الجــــوف منســـــلي
وســـط قلبـــي بـــاني قصــــوره
شــــف غــــرامك شلــــــني شـلي
يـــادواء قلــــبي ودختــــــــــوره
روف بــــــي لاتصـــــير متغــــلي
لا تخـــــلي الــــــروح مكســــوره
دونكــــــم هالقلــــــب منشــــــلي
ياسفــــر ليلـــــي وديجـــــــــوره
وإن لقيتــــــك قلــــــبي يهـــــلي
شـــروا شـــوف الوسم وزهـــوره
ويــــل حالي بعــــــدكم من لـــي
يــاربيــــب القــــلب وشعــــــوره
لاتســــد البــــــــاب وتــــــولــــي
خـــاف شـــــرع الله ودستــــوره:
شعر: عبــــدالله النــــاعبي
