محمد خليفة الهنداسي ود القصاد
بسك من التجريح يالود
يا صاحبي يا دعج لعيان
عذبتني يا رهيف الخد
يابو عمر عشرين وثمان
يا مالي الخصرين واليد
وخدود تشبه لون رمان
ياللي خذيت من المها القد
ومن الظبي ما خذ الأعيان
كل العذارى عنك تنشد
وعن حسنك الفتان سبحان
الحين يوم شبيت تيحد
من سكنك في القلب ازمان
غرك شبابك وقمت تبعد
ونسيت من يهواك يافلان
باقي معك لو تقطع الود
ابدن ولا بشكيبك انسان
ياالله في حياتك دوم تسعد
وتعيش متهني في لوطان
ومن عاش في رجواك يسعد
طول العمر طايب وفرحان
صاين وداده وكاتم السد
يا بخت من عاشرك أزمان
