الشاعر: عبدالله بن سيف الشبيبي
يا هاجسي دون قصيد وعده
أبيات ماتنقدها النقاده
تطرب قلوب المستمع وتشده
وتوقظ اللي ساهي(ن) برقاده
من عادتي ما دعثره وهده
أوزن قوافيه بزين صفاده
ينظمه فكري مثل ما بده
عنده على نظم القوافي عاده
واترجم المعنى وألزم حده
وابعث مباديه لجل الإفادة
ياخذ به السامع يلين يسده
ويطربه يسمع منه بزياده
ولا أرابع اللي قبلته محتده
امشي مع اللي سمعته معتاده
اتبع رسوم(ن) من أصل منهده
منتوارثين السمت عاده عاده
الهم مواقف في زمان الشده
من زمن هاليهم إلى لجداده
عزوم خصماهم غدت منهده
سيف(ن) لهم ماينثني فغماده
ومركوبهم يلي تزهي الشده
سمحه تماطي بالخطم مرتاده
موروثتن حال الولد من جده
ماسامها الدلال يوم مزاده
لن أقبلت بين الهجن مرتده
مثل الظبي قدامهن منقاده
فيها على طول المسافه بده
مقيضه ماجات من المرغاده
