شعر: مصبح السيابي
صورت لك احساس أرض ويرتجيك سحاب
وانته من الصوره تدوّر للغياب العذر
والعذر أقبح مايبرر لك على لغياب
روّح ولك مني تلاقي لك وداع وشكر
شمس المشاعر شارقه مهما تحط حجاب
دام الحقيقه في عيوني ما تكذّب فجر
لاتجيب لي قصه قديمه ومفردة بكتاب
خلي المشاعر صدقها فيني يدور أجر
لو لا متاهات المدينة م اشتكوا الأغراب
ظنيت أبحث عن نهارك اللي تقدم عصر
لو جبت لي ليلك ليصنع للظلام أسباب
عندي الوفاء والصدق بلي باينور كالظهر
عذر الغياب اخذه وأحسن علقه ع الباب
عله يتقبل من يزورك في غيابك عذر
