كتب: خالد سعيد خميس مهوّس العريمي
يارب جيتك في سواليف محتاج
عبد(ن) توسلك رجاك ورحمته
اعوذ بك من نار من قبر وسياج
والهدي دربك من خلالك عبرته
اعطيت نفسي عذر وحلول وعلاج
لا جيت تايب يوم ذنبي تركته
ومديت عفوك لي طريق(ن) ومنهاج
ولا من قطع بي اليأس قمت ووصلته
ألبستني سترك على مرؤتك تاج
وأنا الضرير وباب عفوك بصرته
يوم الليالي ترسل السهد معراج
قمت اتلحف عن قيام (ن) خسرته
قيام ليل(ن) والقرب منك إفراج
يا خالق(ن) هذا الوجود ووهبته
منك افراج الصبح يوم الحزن هاج
من رحمتك ، عبدك دعاك ونصرته
عفوك وتوفيقك عليّ رازق أفواج
يا اللي منزل دينك اللي شرعته
الدمع مرسال الرجاوي لك ادراج
تقبل ندم يسكن عيوني سكبته
مهما يقول الشعر عـ لسان هراج
دام المقصر في دروبك عذرته
جيتك على درب المساكين محتاج
عبدك توسل في رضاك ورحمته
