كتب: جميل راشد الهنداسي
من يقول الوقت ينسينا الغياب
ومن يقول الفقد تمحـيه السنين
فقدكم يا ابوي هو أكبر مصاب
وطيفكم يـ أمي يزوّد لي الحنين
كل يوم يزيد في قلبي عذاب
من رحلتوا والقلب دايم حزين
انكسر ظهري وعافيت الصحاب
بعد ما انتوا توسدتوا اليمين
كل لحظات العمر صارت سراب
يوم صرتوا مع جموع الراحلين
لو يطول العمر ويطول الغياب
صفحة الذكرى لها جرح وأنين
دعوتي يا أبوي لك عالي الثواب
وعالصبر يجزيكِ رب العالمين
ياعسى الفردوس من دون الحساب
تدخلون برحمة الله آمنين
