رثــاء لأمي الغالية
كلمات : أم محمد
في صوتها باقي حنین
وفي حسها باقي بقايا من سنین
ثم ارحلت یا حسرتي
باب للجنة تسكر
وانا كنت يمه مستكین
باب للدنيا تبخر
يوم ارحلت أمي ويسابقها الأنین
انين قلبي اللي انشطر
وجرح لا ماله جبر
في كل زوايا دنيتي لأمي أثر
وفي كل حنايا هالقلب حبٍ كبر
لله درك من عزيزة وغالية
بنعيك أنا طول العمر
یا رحمة الله انزلي بهذا القبر
اللي حفرته بروحي حفر
ووصیته لحظة لحظة
الروحي أنتظر
بودع أمي یا قبر
ودموع عيني تنهمر
واحساسي بالتقصیر يقسي ويستمر
یا رحمة الله حاوطي ذاك الجسد
اللي أنا كل قوتي من الصغر لين الكبر
منه استمد والکل شهد
لهية بنت خصیف كانت قول وفعل
أمي أنا اللي ربیت بأحضانها
وبيدي أنا وسدتها بأكفانها
یا رحمة الله أرأفي بقلبي الحزين
اللي بقى من بعد أمي فارغ بس يستكین
برحمة الله وبالدعاء
یا ربنا ثبت أمي
وثبت القلب الكسیر
ولا من طرالي صوت أمي
او سمعته يمتلي قلبي
أكوام من حنین
و اوقفت في لحظتي
كل البقايا والسنین
