أسست ودي له تأسيس ما ينهدم لي أوله ساس
له في فؤادي عرش بلقيس بدرٍ تجلا عز نوماس
حرك شعوري والأحاسيس من زود حسنه شيب الراس
ماله مقيم ولا مقاييس جماله محطم كل مقياس
شوفه مها في وادي الحراسيس مصيون من قانص ودساس
لي نظرته رماحن مقاويس ورموشها تقضي ع الأنفاس
خذني غرامه وحاسني حيس وسط الضماير وثق الساس
فالقلب وده له قواميس ما هو بحبرٍ وسط كراس
تحمله هبات النسانيس ترميه عالي بروس الأطعاس
يا الله عساني وياه جليس يوم الخلي في النوم نعاس
يغنيك عن نور الفوانيس وعن رمسة اللي شارب الكاس
شعر : أبوالقاسم محمد المعمري
هذا الشعر يحتاج تدريس عند المعلم فوق قرطاس
ماخذ الأول على الريس ما بين واشنطن وتكساس
مثل الحصابي داخل الكيس فيها معاني تشيب الراس
شديت لك بكرة من العيس توصل صحم أول الناس
واللي وصفته يميل ويميس شبه الظبي وشمس لشماس
يا بو القاسم فصل وقيس واحنا معك بنخيط لقياس
ولو يطلب أبوها عرش بلقيس وفوق الذهب لو يطلب الماس
وان رفض يتعوذ من إبليس بنعلن عليه حرب جساس
شعر: عبدالله المعمري – الغضيب
