الشاعر : النـايف الكعـبي
حمامة حبي العذري على غصن الهوى نوحي
عسى نوحك يفتك ضيقةٍ تعصر لي أعماقي
نزفت الشعر من روحي وفاضت منه جروحي
زرعت الورد في يوم الفراق ومات ع الساقي
أنا كوكب حزين ف هالفضاء الشاسع بروحي
ورغم اللي جرى يا قاتلتني ع العهد باقي
أقد العذر من ثوب الغياب ويشهق طموحي
كأن الموت ينزع روحها من داخل أحداقي
تعالي ريح تنثرني .. على بوابة جمـوحي
أنا أرض الجفاف وهالصبر سيلي وبراقي
تعالي ما بقى فيني سوى دمعاتي وبوحي
وقلبٍ من كثر ما شاف ضيمك ينوي فراقي
تعالي للمسا نسمة حياه وفالصدر فوحي
مثل ما جيتي الريح العقيم وسبّة أعواقي
ترى ما عاد يسعفني على موج الهجر لوحي
تعالي لي نجا والّا تعالي وأعلني أغراقي
لعنت الحب من نظره وزاد الشوق في روحي
كرهت الشعر وأنهلّت قوافي داخل أوراقي
