شعر: مـصــبـــح الــسـيــابـــي
من باب سامحني نساها أجي فيه
جـيـتـك عــنـان الــعـز وارد مـثـله
نـفسك تـخبي الخطا اللي بتخطيه
لاتــظـن إنــي دوم فـعـلك اذهـلـه
خـلك صدوق الفعل تاخذ وتعطيه
مــن قـيـمة الإنسـان قـوله وفـعله
وإن كـان كرهك بالمجامل بتخفيه
بـيجيك مـوقفك المجامل يسحله
مـوقف بيكشف من تكرهه وتغليه
ويـبين صـدق الحب إن كنت أهله
دامـك مـطار الـوجه الناس تنصيه
وعـيون فـيك الـناس مليون رحله
أمــا أنــا لــي وجــه لـلعام بـعصيه
وجهي لطرف الحب جفنه وكحله
