لين باكر ابتسم

شعر:
ناصر الضامري

إن جن ليلي في تفاصيله شجون
أرخى ظلامه وابتدى فيني الألم

بعض السوالف تحتويني والظنون
أشكي زمانٍ في موازينه ظلم

هاذي دموعي في موانيها سكون
وابتدى فيني الأماني والحلم

ياليتني أنسى مآسيها السنون
وأحزان ليل في سهاد وفي ندم

كلي أمل أشجان في لحظة تهون
لو تنتهي بس لين باكر ابتسم

أو تنتهي فيني المواجع والطعون
وأن سال دمعي قلت فيها والنعم

ذكرى حزينة من حكايات الجنون
بين المواني والمراسي والعزم

يا صبح بيّن في طلوعك وش أكون
حتى شروق الشمس بانت في عشم

إن غاب ليلي سلهمت فيني العيون
وانتهت فيني سوالف ما يكفيها قلم