شعر:
إبراهيم المعمري – أبو سعود
يجرني للشوق جرار
مرفوع أنا بس صرت مجرور
قلبي على الفرقا تحسّار
وأحس كني فاقد شعور
أنسى ولكن الشوق غدّار
ما ينكتب للحب دستور
ضاع الأمل ما بين الأعذار
وصار السكوت أولى ومعذور
أمشي وأنا في داخلي نار
واتظاهر إن الحال مستور
أضحك ولكن فيني إعصار
ساكن وقلبي فيه مكسور
خذني معك للحلم لو طـار
ولا تخلّي درب الحب مهجور
ما بين صدك والعمر مار
وأنا على ذا الحال مجبور
أهواك أنا لو صار ماصار
وأسامحك والجرح محفـور
أشتاقلك والليل سمّـار
وذكرك يمرّ بخاطري نــور
طيفك يسلّي خاطري الحـار
ويضحك بعيني حلم مغرور
يا فرحتي لا صرت لي جــار
وتصير في لحظيّة الحــور
أحيان نبني لحبنا جدار
من وهم لكن داخله قصور
ولا تظن أنا بي شي ينهار
تدري أنا للجرح دكتور
