من صميم القلب بكُتب له قصيد
وارســـله ياناس للغـالي وبس
برسله له خاص أنا عبر البـــريد
لن حبٌَه وسط صدري أنغـــــرس
كل لحظة والغلا فينـــي يـــزيد
وإن سمعته دق في قلبي جـرس
دام وانا في هـوى خلِّي سعـــيد
والقســـم بلقااه لو حوله حرس
هو سكن في نبض قلبي والـوريد
وان جفاني بايضيق فيني النَفَس
كُنت أنا عايش وإحساسـي بليد
ما معــــي إلا تفاكيــر الهــوس
ويوم شفته كن يومي صار عيــد
وكُل هرجي في لساني أحتبـــس
وصار عيشي عيش في قُربه رغيد
بعد ما جاني على ظهـــر الفرس
وفي نصوص الشعر كم قارئ يعيد
ما كتب خلـي وكم منه اقتـبس
شعر:
بنت المحويت
