عـــبــدالله الـحــرابــي
مــا اسـتـفزك كــل شـعـري والـحـنين
ولا أظــن رمـشـك يـوم بـلل مـدمعك
مــادام مـيـت قـلـب عـمـرك مـا تـلين
ايـش فـايده مـادام مـا شـي أوجـعك
أنــا عـلـى حـطـة يـديـنك مـن سـنين
مــا نــام يــوم إلا حـواسـي تـسـمعك
أتـعـلـل بـطـيـفك ويـذبـحـني الأنـيـن
هـــذا أنـــا عــايـش وعــمـري أتـبـعك
مــا كـنـك إلا حـلـم عـمـره مــا يـبـين
وإلا ســراب اتـعـبت عـيـني تـجـمعك
مـا اخـبرك قـلبك عـن الـشوق الدفين
ورغـم الـجفا انـته فـي قـلبي أروعك
بـين الـحنايا صرت لك عاشق سجين
وأنـتـه عـلـى الـهـجران مـحد أمـنعك
أدري أنــا الـلـي عـلـى الـفـرقا حـزيـن
وأدري أنـــا لـعـنـة حــظـوظ تـروعـك
وتـدري بـدونك كـني فـاقد أكـسجين
مـاحـس قـلـبك .. مـاشـعورك أقـنعك
ليتك وهم ما عشت بك طول السنين
ولا عـاش قـلبي يوم نبضه هوه معك
يــا مـاخـذ الـدنـيا ف أحـلامـك تـزين
فــي ذمـتـي .. إنــه الـغـياب يـلـوعك
لـيـتك.. بـتـترك هـالجنون وتـستكين
أقــول لــك لـبيه ..لـو تـاشر بـاصبعك
مـاخان قـلبي ع الـوفاء وذاك الـيمين
قـلـبـي عــلـى لامــاك بـروحـه دلـعـك
اتـحرى عـلى لـقياك بـعدني كـل حين
عـلى رصـيف الـشوق بـشعل أشـمعك
