بقلم : جاسم الركاض أبو خالد
خذ راحتك أبتعادك ريح البال
أنا لقيت من معه أضوي أشمعي
خذ راحتك لا تظن أصوت لك تعال
أنت ماضي كل جرحي وموجعي
خذ راحتك ولا إبي منك وصال
يوم عيدي هو فراقك مطمعي
خذ راحتك دامك أنويت الرحال
لا تظن أموت أو يجري مدمعي
خذ راحتك وأعتبر عشقك خبال
سوالف غرامك حلم مر بمسمعي
خذ راحتك أنا لك صعب المنال
أنت ماتسوا أشبك عنده أصبعي
خذ راحتك بس تأملني لك خيال
أنا أبحرت وممدوده أشرعي
قالها راشد ٠٠٠ وأبدع حين قال
خذ راحتك معادها تفرق معي
