إن قلت أنا اخطيت في حق نفسي
نعم صحيح اخطيت لاشك اخطيت
ما شفت من احساس امثال حسّي
استغفر الله دوم وابليس اخزيت
تغيب شمس الناس وتشع شمسي
واحسّ باحساس الدّفا كل ممسيت
لو كان همّي من وجع صاب ضرسي
قلت الألم منّي و فيني ولا ابديت
لكن سبب بلواي يومي وأمسي
إني عطيت احساس يا ليت معطيت
سقيت كل احساس ونسيت غرسي
مات الشعور اللي على الغصن ربّيت
جف الشعور وجفّت أحبار طرسي
كلما كتمت الجرح واعلنت واخفيت
أقول منها قد تعلّمت درسي
ان الخواطر كسرها يخرب البيت
شعر: ولهة الشوق – شيخه المقبالي
