شعر : محمد الثوعي
إن حكولك ضعاف الناس عني كلام
خل صدرك وسيع ولا تعاتب أحد
اسمع السالفه ثم ابتسم والسلام
غيضهم بالسكوت اللي يجيب الكمد
خلهم عنك تكفى لا تعاند لئام
وضعهم عند رب الخلق يوم الوعد
وأدري إنك غيور ولا تحب الملام
بس بعض الأوادم فيه شر وحسد
يشعل النار جاهل لا عطا ولامقام
ليته عند المواقف بارز ٍ ماشرد
القلوب المريضة تستلذ الخصام
حقدهم في الحقيقة قد يدمر بلد
طالب النور عمره ما يحب الظلام
من زرع خير يجني من ثماره شهد
الحق واضح ترى للناس اللي كرام
والمجد صعبٍ يناله من تردا ورقد
أصل فن التعامل حافظه بالتمام
درس قبلك خذيته عندي صبر وجلد
كم عطينا دروسٍ للبشر باهتمام
وآخر العام ينجح من درس واجتهد
