شعر: مصبح السيابي
حمدت الله ع الوادي بعد ذاك المحل جاري
عمان الله يسقها مطرفي صبحها والليل
على جو المطر شبيت صاري وصار بالصاري
من الأجواء لي فنجان قهوة والسحابه الهيل
رسالة لك ي من حبيت إذا يحصل لك الطاري
أبا أهدهد من شعورك بيصدقني النبا بالحيل
إذا شد الوضع عندك تفوق الطرف باخباري
عسى لك م المثاني السبع حرس ن والأمان يعيل
على جو المطر حطيت صدري لك ذرى الذاري
تذرّى بصدر من حبك ولا ثوبك يبّله السيل
أراك الترف في وضعك وحافل جسمك وداري
فريد بحسنك اللافت تفرد في زمان وجيل
ضحكتك سحب تمطرني بتطفي صدري الواري
أبا الفيضان من شوفك وخطوة جاريه كالغيل
