شعر: جاسم الركاض أبو خالد
من شوقها كانت تجيني حقيقه
يلين صارت تجي حلم وتختفي
عيوني م الحرمان تبكي غريقه
أراقب الساعات وأناظر هاتفي
غيابها ٠٠ شب في قلبي حريقه
ولا عاد نار الشوق فيني تنطفي
تعالي شوفي كيف روحي عسيقه
وكيف أنا اترجم شعري وأحرفي
تعالي شوفي بدونك لامرت دقيقه
يسيل دمع العين وجرحي ينزفي
بإسبابك ٠٠ كل جروحي العميقه
وقلبي من الضيقات أصبح تالفي
يعتريني حزن لاشفت بيتك طريقه
أشتاق منك الغرام والكلام العاطفي
لا متى أرسمك خيال وانتي حقيقه
لا متى وأنتي تجيني حلم وتختفي
