شعر: هــــلال بــن مـحــمـد
هاضت بي الذكرى من الماضي من سنيني
ورسـمـت صــوره بـحبر الـشعر والـقافي
مـاضي يشوق النفس باحساسه يناديني
مـع عـشقي الـمكبوت في السر والخافي
وذكـرت يـوم انـه مـن احساسه يدفيني
غـض الـصبا والـحسن لي سيد الاولافي
عـن كـل مـن حـوله في حضوره يكفيني
حـسن ولـطافه وذوق بـه كل الأوصافي
أمـوت فـي حـبه وحـبه صـدق يـحييني
هو بلسم جروحي وما فيني من اكلافي
إن ضـاق صـدري مـن الـضيقه يواسيني
لــو شــاف دمـعـي مـن الـعينين يـنزافي
يـمسح دمـوع الـعين من عطفه يداريني
مـا يبتعد عني وعايش دوم في اكنافي
صـورته دايـم إذا هبـت الـنسمات تـلفيني
لا هـب ريـح الـشوق والـوقت مصيافي
حـضـنه يـلـملمني مـن شـتاتي ويـدنيني
عـلى صـدره الدافي ويدينه حول اكتافي
والـيـوم ويـنـه حـبيبي غـاب عـن عـيني
حـكم الـزمن لـلاسف مـا يـحكم انصافي
كـل شـي عـقبه يـانـاس مـا عـاد يغريني
بعده ذبل حالي وسنيني صارت عجافي
