إبراهيم المعمري – أبو سعود
دوّر هشيم السمر من بَينْ سهيل
والبرد مقبل وادبر الحر والصيف
وزانت ليالي البر بالجوّ تعليل
ونسمة ترد الروح من نسمة الريف
ولّع غرامي طاري اللي له الميـل
لي زارني نوره غدى الوقت تلطيف
لي في عيونه سحر ويهدني حيل
وتزين مع شوفه جميل السواليف
يشبه نسيم البرد لا لفّني ليل
ويمرّ مثل العطر من دون تكلـيف
ولا ضيا وجه السحاب المساهيل
لي من تبسم يصبح الجو تكييف
يا زين زوله لا لفاني على الخيل
على دلال البن والهيل للكيف
شفّه على قلبي من الهم تعديل
ونبضه معي لا غاب، دايم له مضيف
يا ليتني نسمة على الردن وتميل
ولا خيالٍ في دروبه تواصيف
أبو العيون اللي هدبها مظاليل
له منزلٍ وسط الضلوع المهاتيف
