شعر:
عــبـــدالله الـحــرابـي
والله لــو تـرجـع مـعـي يـوم نـدمان
مـااسامحك٠٠٠٠ لو تموت إنته أمامي
مـاعـاد ذاك الـقـلب لــي تـخبره كـان
مات الشعور٠٠ من بعد موتت غرامي
ولا عـاد تـفرق جـيت أو كنت زعلان
آنـا مـسحتك٠٠٠٠٠ بفركتن من بهامي
بـعت الـغرام اللي سكن لك من أزمان
وصارت مراسيلك٠٠٠ قطيعة سلامي
مـا كنت يـومٍ أنـت ع القلب سلطان
وكنت الوحيد ٠٠ اللي مسبب هيامي
وكنت الجنون اللي عشقتك أيا فلان
وكـنت السراج٠٠٠٠ اللي ينور ظلامي
وكنت المطر اللي سقى قلب ظميان
يـوم الـهجير.. وكـنت ملهوف ظامي
اتـبـدلت يـاصـاحبي٠٠ دون حـسـبان
ولانـي عـلى خـبرك٠٠بتنوي خصامي
يـامـا شـعـلت بـداخل الـصدر بـركان
وتـزيد فـي غيظك٠٠ بكثرت سقامي
مـاجربت كـيف الـشقا ومـوت إنسان
وكـيف الغياب٠ ماعلمك كيف حامي
الـنـار تـحـرق أخـضـر الـعـود رويــان
يـاكيف مـا تـحرق قلوب(ن) حطامي
سـويت لـك فـي داخل القلب بستان
وانته حرقت أجمل٠٠ ورود الخزامى
تـملكت فـي قـلبي عـلى كـل الأركان
تـختاال فـي قـلبي٠٠ وحـالك مقامي
يـعني بـظنك اخـذك عـناق الأحضان
أنـا نـسيتك٠٠ وصرت ضمن الأسامي
عـشت الغياب وأنا بيه شوق حرمان
عـودت قـلبي٠٠٠٠ في غيابك عوامي
ولا عـاد لـي خـاطر على حب سجان
واصـل غيابك٠٠٠٠ وقول للعين نامي
تخبره = تعرفه حق المعرفة
