شعر: فوزية الجهورية
بعض البشر ياصاحبي لا يغرك
لو يمطرك بأجمل عبارات واحساس
يمكن مع الأيام غدره يمرك
ما دام ما حطيت للحب مقياس
إللي غدر لا تأمنه في يوم سرك
بعض البشر سرك معه حبر قرطاس
أحيان تلقى إللي بكلامه يجرك
وده توضح ما خفى وتخضع الراس
لا ترمي شباكك وفي غير بحرك
الموج عاتي .. وأنت لك قلب حساس
واللي بصدق يهواك صعبة يضرك
سكّنك في نبضه وما بين الأنفاس
يرسم معك نجمة وقصده يسرك
فوق السحايب خذك عن عين هالناس
خذها نصيحة مني وبختصر لك
ما كل ما يلمع يا فاهم ترى ماس
