مرثية في فقيد الغليل
راشد بن حمد الربيعي
(العصفور ) رحمة الله عليه
شعر / عبدالله الحرابي
طار عصفورك ياداري طار من عشه الحزين
وكم طير وياه طارن ما لقن بعده وطن
في مساء والصمت يخنق مابقى به اكسجين
كنه العالم توقف وصار يملا ب الحزن
يعلن الموت الفجيع ويخنق الديره انين
قالو راشد ف ذمة الله ولبست داري كفن
والحزن خيم علينا ي الله ياربي المعين
صارت الديره كئيبه وصمت وعيونٍ بكن
وين عصفورك ياداري صار ضمن الغايبين
وصار هذا الكون مظلم كل نجماته انطفن
راشد اللي له معزه ولا تغير ف السنين
يظل في قلوب الأحبة وله قدر ماينثمن
لكن الدنيا رحيل ونحنا ابها عابرين
وتبقى الدنيا حكاية وقصة تبقى ينحكن
كل مواجعنا رحيل ويبقى داخلنا حنين
وذكريات هذي المنايا ما عمرها ينتهن
صرت يا راشد مثلهم الغاليين الراحلين
كانت شوارع هالمدينه عطرهم يتنفسن
كل أحبابك يا راشد يدعوا الله خاشعين
في نعيم تنام عينك كفوف لجلك ارفعن
كثر ما حبوك راشد طيب أفعالك تزين
وكثر ما ابكوا رحيلك قلوبهم اتيتمن
في وداع الله يا راشد تكون ضمن الخالدين
جنة الفردوس دارك وكل ذنوبك يغفرن
رحت ما كدرت خاطر كنت محبوب وأمين
وكنت توزع الابتسامة وكانت اكفوفك مزن
وماغريبه فوق قبرك ينبت ألك ياسمين
ريحة الجنة طيابك ومنبتك وجهٍ حسن
