الليل ساحر
الليل ساحر والسهر فيه أنفاس
وعطر الليالي فاح مثل الدلالي
يسري خيال الشعر من دون مقياس
وانثر حروفي فوق بيض السلالي
شوفك يزين الوضع للروح نوماس
ينثر شعاع الحب فوق التلالي
ما للهوى عندي حدودٍ ولا ساس
يمشي معي والجو توه صفالي
حسنك تجلى مثل نورٍ على راس
جبلٍ تعلى فوق هام الجبالي
فيك الأناقة ولمعة الثغر ألماس
وسحر المحيا فاق كل المثالي
ياسيدي ماكل طيفٍ به احساس
ولا كل من يكتب بصدق المقالي
أنت الأمل والذوق وللشوق مقياس
وأنت ابتسام الوقت لا ضاق حالي
طيفك إذا مر احتواني من اليأس
أغلى من أنفاسي ومن كل غالي
ومنك السمو والطيب والفضل نبراس
ومني ولاء للروح عهدٍ موالي
إبراهيم المعمري أبو سعود
