شعر /عــبــدالله الـحـرابــي
أنـا رسـمتك قـمر بـس مـاشالتك لوحة
أخـاف أظـلم جمالك في وصف رسمي
إنـتي شـمس مـدري فجر ولا اصبوحه
فـي مـن حـلاتك يـذوب الـسكر فـثمي
ولا عـيـونك سـحـرها عـالـمي بـروحـه
وخـــدودك ورود تـشـبـه لـونها دمــي
شـفـايفك لـوز تـشافي قـلبي اجـروحه
وردايــفـك لا مـشـيتي اقــوم واسـمّـي
كـل الـوصايف مـن الـحلوات مـمنوحه
قـلـبي تـولـع وصـرتي عـشقي وحـلمي
مـن دون مكياج حسنك يفرق جموحه
سـبـحان ربــي شـمس ولا قـمر يـسمي
ريـانة الـعود ويـزهي بـك عـلى فـوحه
لا مـــر عـطـرك يـريّـح خـاطـري هـمـي
مـن زود حسنك قلوب الناس مذبوحه
نـظرات عـينك رصـاص تصوّب وترمي
الأرض لامــن مـشيتي تـصير مـريوحه
وتـطاير اعـيون تـاخذ حـسنك بجرمي
سـمـيـتك الـفـاتـنه يـــا كـثـر مـمـلوحه
لـمـي الـشـعر لا تـطاير صـحت واغـمي
قوسك رماني واقول لا بأس مسموحه
لـو كان حسنك نوى في موتى وحتمي
مـاتشبهي صـورتك أجـمل مـن الـلوحة
إنـتي فـرق ف الـملامح مـامثل رسمي
