شعر:
عـبـدالله الحـــرابــي
اختصر هالبعد وارجع ي الله يكفي م الغياب
شــوف حــالي لين وصّل يحترق قلبي خفي
ايــش خــذينا مــن الــبعاد إلا آهــات وعتاب
ودي أســمع كــلمه مــنك مــن بــعادك اكتفي
يــستحال يــموت قلبك وآنا أدري به مصاب
وأنــت تــدري هــذا قلبي فوق تعذيبك وفي
كــل شــي يــقرى بعينك غربه دنياك اغتراب
وآنـــا عــيــني لــو تــمرك دمــعها مــاينشفي
عــطني ايــدينك حبيبي لا تلوح ف الضباب
كــثــر مــا اتبع خــيالك ودي احــدد مــوقفي
كــل مــافيني هــمومي اكــتب الــقصه كتاب
مــاتلونت المشاعر وأصدق أحساسي احرفي
كــل هذا الشوق ماله صار عندي من حجاب
مــايموت الــحب فيني كان شمسي تنطفي
وسط قلبي لك مواني ولك معي سر الجواب
تــعال افــتح قــفل قلبي قبل عمري يختفي
لا تــخلي عــنكبوتك يــغزل اجــدار الــسراب
الــبعد والــشوق وانــته كــل شــي ماينصفي
تــعال ولا أنــا اجــيلك ننهي افصول العذاب
الــعمر مــاعاد يــقوى صــبر حــالة يــوسفي
