شعر:
سالم بن محمد المقبالي
أحــدٍ وســاده ع المــلايين مــ ينــام
وأحــدٍ وســاده ع الثــرى طاب نومه
وأحــدٍ من هموم الزمن مات م العام
وأحــدٍ رحــل و تقطّعــت به علـومـه
وأحــدٍ شرات الزير فــي قتــل همام
وأحــدٍ مــن الإكــرام نعجــز نسـومه
إتنــوّعــت لجــناس بخلاف الأرقــام
النــور واحــد و الفــــضا بــه نجومه
بعض البشر يمــشي على نهج لسـلام
يفطر على طيب الفعــل بعد صــومه
يبنــــي لــه أبــراجٍ مــن العـــز مقدام
ويسكن بيوت الخير في حوش قومه
والبعــض الآخـر غـارق فحقــل لوهام
يصــوّر التــاريخ نــومــه و قــومــه
منظام من فـعل الوفي حيل منــظام
دايــم علـى طيــب الفعــايل يلومــه
واللي شــرا الألمــاس لـو ينحنـي قام
معدن نفــيس و ما تــهاوت سهــومه
وحديدة الأوهــام تصــدى بعــد عام
لو كنـت ما خــذلك من المثــل كومه
لا تلتــفت أكثــر مــن حــدود لعــظام
ولا تشــيل حمــلٍ راحـتك مــا تــرومه
المــوج فــي بحــرٍ بــه ريــاح هــدام
لا تقــول فــي نفسك خبيــر وتعومه
ولا تنخـدع بنعــومة الــداب لــو نـام
عالـدوم يحمــل فــي نــيابه سمـومه
النــاس هـذا اليــوم ســوّت مــثل يام
مــا قــدّر الـــوجه الكــريم بعـــزومه
يــوم انصحــه اركب على الفُلك قدام
قــال الجبــل يحمــي مــن اليم دومه
ليين انتهــى به الحال في موج لطّــام
مــا فــاده علــو الجــبل فــي عــزومه
يــا واصـل المــيقات بــادر بــ لحــرام
خــل العـقل في الراس مثل الحكومه
لا تكــون لــك واشي ولا تكــون نمام
ولا تكــون فـي ليــل المخاليــق بومه
حاول تكــون اقرب من الحق ضرغام
لا يروّعــك جاهــل تشعشــع هــدومه
طبــع البــشر شبــعان والبعــض صيّام
منبــــوذ مــن بــالكبــر دايــم قــدومه
مــن تجــربة لأيــام زارع لـــي اقــلام
طيــبة ثمــر والفــكــر مـروي كــرومه
أكــرمــت ثــمر الخـير للــنّاس لكــرام
هــذي علــومي و الفــكــر ذي علــومه
