مرسلة إلى الشاعر محمد بن حميد الحارثي
يا طارشي جوّد على الخوارة
ووصل إلى شخص ِِِعزيز بداره
سلم عليه وجيب لي اخباره
وعن صحته أسأل وعن اضراره
عسى أموره بالسعد سياره
بالخير من عقب الحدث لي زاره
ويا بن حميد الحارثي لك شاره
في وسط ميدان الشعر واشعاره
ونخص بالتغرود في معياره
مالك زمامه وعارفٍ أوطاره
من دور جدانك ملكت اسراره
تشهد لك الساحة على هيزاره
وختمت تغرودي وحروف اسطاره
بذكر النبي وصحابته وأنصاره
تعداد صوت الراعبي باشجاره
شعر: حمود بن علي بن خميس الرواحي
الرد من الشاعر القدير محمد بن حميد الحارثي
حيا بمثالٍ بالأحد ونهاره
قولٍ رصين وشاعله انواره
رحبت به بعد الرمل واقطاره
وباعداد حجاجٍ لفت زواره
بيتٍ والله شرفه بطهاره
بجاه النبي وصحابته وانصاره
ورجل الكبير يزيد معنا وقاره
له منزلٍ بين الهدب وابصاره
ويا حمود جتني من قداك عباره
وابو حمد يشكر على استفساره
لمّت علي وعكةٍ سياره
والحمد لله وراضي باقداره
تاخذ وقتها نازلة باماره
بأمر الله فضايله بغزاره
ومغطين يسره على اعساره
ف تكالته ماشي بخس وخسارة
كل عاملٍ يلقى ضعف اجاره
يقطف من غروس الصبر واثماره
القرآن يبشرنا وعجب أسراه
والجار من بونه يتذكر جاره
حتى النبي وصف الجوار اختاره
والخاتمة الدنيا رحى دواره
طيب وكدر فيها وغصص ومراره
